2017-imi qaammatini siullerni pingasuni aalisakkat qaleruallillu tunisat
2017-imi qaammatini siullerni pingasuni kinguppaat, qalerallit saarulliillu tunisat siorna taamaalineranut tunisanut naleqqiullugit ikileriarput. Tamakku ilaatigut nittartakkatta kisitsisaataasiviani ullumi saqqummersumi takuneqarsinnaapput.
Tunisat qaammatini siullerni pingasuni 2014-imiit 2017-imut suussutsinut assigiinngitsunut agguarlugit
Najoqqutaq: Naatsorsueqqissaartarfik – takuuk kisitsisaataasivik http://bank.stat.gl/FIN001
Kisitsisaataasivik:
Kisitsisaataasivimmi periarfissaqarpoq tulaassukkat annertussusiisa ineriartornerannik aamma aalisakkat assigiinngitsut akiinik paasissutissanik aallersinnaanermut, qaammatikkaartumik kommuneqarfikkaartumillu 1987-imiit marsi 2017 ilanngullugu.
Allanik immikkut paaserusutaqarusukkuit allaffimmi pisortaq Lars Geraae oqarasuaat toqqaanartoq 34 57 87 atorlugu attavigineqarsinnaavoq.